Ərdoğan Polat Alemdarı tədbirə dəvət etmədi – SƏBƏB

Ərdoğan Polat Alemdarı tədbirə dəvət etmədi – SƏBƏB

Xəbər verdiyimiz kimi, Türkiyə prezidenti Rəcəb Tayyip Ərdoğanın iqamətgahında Cümhuriyyət günü qeyd olunub.

Türkiyə mətbuatına istinadən verilən məlumata görə, gecədə sənətçilər və siyasət adamları iştirak edib. Lakin bu il aktyor Necati Şaşmaz tədbirə dəvət almayıb.

Buna səbəb kimi, “Pana Film”in istehsalı olan “Kurtlar Vadisi Pusu”da qəbristanlıq səhnəsində “Ərdoğan” məzarının görüntülənməsi göstərilir. Serialın baş rol qəhrəmanı Necati Şaşmaz da buna görə hər ilkindən fərqli olaraq Ərdoğan və xanımının ziyafətinə qatıla bilməyib.

Gecədə “Kurtlar Vadisi Pusu”da bu və digər gizli detalların olduğunu iddia edən proqramın aparıcılarından olan müğənni Nihat Doğan da yer alıb. Məhz o, canlı efirdən N.Şaşmaza səslənərək bəzi səhnələr haqqında açıqlama tələb etmiş və onu prezidentə qarşı təxribatda günahlandırmışdı. (axsam.az)