Moskvadan hansı komanda qızıl medalla qayıdacaq?

Rusiyada keçirilən dünya çempionatı başa çatır.
Bu gün turnirin final matçı keçiriləcək. Moskvadanın “Lujniki” stadionunda Fransa və Xorvatiya milliləri üz-üzə gələcək.
Onlar 62 oyunluq mübarizənin ardından – yarımfinal görüşlərindən sonra bir-birilərinə rəqib olublar. Ötən gün 63-cü matçda bürünc mükafatçı müəyyənləşib. Belçika İngiltərəni 2:0 hesabı ilə yenərək, mundiallar tarixinində ilk dəfə 3-cü yeri tutub. Finalda isə Xorvatiya tarixi nailiyyətə imza ata bilər. Əslində bu komanda həlledici görüşə vəsiqə qazanmaqla, ən azı gümüş medalı təmin edib və bürünc medal qazandığı “DÇ-1998″dəki nailiyyətini yaxşılaşdırıb. Lakin 20 il əvvəlki mundialın yarımfinalında məhz Fransaya 1:2 hesabı ilə uduzmuş Xorvatiyanın indi intiqam hissi baş qaldırmamış deyil.
Fransa millisi isə 20 ildən sonra yenidən dünya çempionu olmaq istəyir. Fransızlar sonuncu dəfə 1998-ci ildə ev sahibliyi etdikləri mundialın qalibi olub. Fransa millisi “DÇ-2006″nın finalında uduzub, 1958 və 1986-cı illərdə bürünc medallara sahib çıxıb.
DÇ-2018
Final
15 iyul
19.00 Fransa – Xorvatiya
Hakimlər: Nestor Pitanya, Ernan Maydana, Xuan Pablo Belatti (Argentina), Byörn Kuypers, Ervin Zeinstra (Hollandiya).
Moskva, “Lujniki” stadionu.
Paylaşın:
Share